«شعبولا» يدعو بالستر على «القطط والكلاب» بعد أنفلونزا الخنازير

على عادته في متابعة الأحداث، سجل المطرب الشعبي المصري شعبان عبدالرحيم أغنية جديدة عن الهم الذي يشغل العالم كله الان وهو انفلونزا الخنازير. واعتبر عبد الرحيم سرعته في كتابة كلمات الاغنية ،مواكبة لتطورات الوباء الذي اجتاح العالم بسرعة. وقال عبد الرحيم في أغنيته التي كتب كلماتها اسلام خليل.



كوارثنا زادت كارثة والوضع شكله خطير ـ قال يعني كانت ناقصة أنفلونزا الخنازير

مرض خطير على البشر وبقولك وبوعيك ـ في دولتين انتشر.. أمريكا والمكسيك

الأنفلونزا كترت وبقى مرض خطير ـ مبقتش طيور وبس.. بقت كمان خنازير

لو شفت يوم خنزيرة ولو شفت يوم خنزير ـ لازم تلحق وبسرعة تاخد بعضك وتطير

إيييييييه........

خنازير وطيور ولسه.. الناس جالها اكتئاب ـ قادر ربنا يسترها.. ع القطط والكلاب

بقول وبأعلى صرخة.. إحنا مش ناقصين سكوت ـ علشان خنزير وفرخة.. حرام الناس تموت

قفلنا كتير مزارع وعدمنا طيور كتير ـ عايزين قرار سيادي ونعدم الخنازير

ليه الخنازير تعيش ونضحي بناس كتير ـ تعيش الناس سليمة وطظ في الخنازير

يا ريتهم يعدموها والناس في أمان تبات ـ من غير ما الأمن يدخل ولا تحصل إضرابات